थारे छोरे जितनी पढ़ री सूँ
मत ना कहो सिर पे चढ़ री सूँ
मैं घूँघट ऊँगट ना काढ़ू
मनै सूट सिमा दो माता जी
मैं नथनी वथनी ना पहरूँ
मनै टैब दिला दो माता जी
थारा छोरा मोटर साइकल पै
मैं कार चला कै लाई सूँ
वो पेपर देवण लाग रया
मैं जहाँ पढ़ा के आई सूँ
मनै पटरी वटरी मत ना दो
मनै कुर्सी ला दो माता जी
थारे वाले दिन धुँआ हुये
मै बायो गैस लगा लूँगी
ना पंखे एसी बंद करो
मैं सोलर प्लांट लगा दूँगी
ये नाटक वाटक बंद करो
अब न्यूज चला दो माता जी
- मत ना टाईम वेस्ट करो
गाजर का हलुआ टेस्ट करो
मनै मेड लगा ली रैस्ट करो
थम मत ना अब प्रोटैस्ट करो
ये चुगली चाटी बंद करो
अब टांग ना खींचो माताजी
